Староновиот градоначалник на Кавадарци Александар Панов денеска јавно се заблагодари на кавадарчани за поддршката што ја доби за втор градоначалнички мандат.
Оцени дека изборите беа фер и демократски.
– Вчера во Кавадарци беше празник на демократијата. Кавадарчани беа дел од спектарот на демократијата во целата држава. Им благодарам на сите оние кои неуморно работеа на терен за да ја презентираат мојата програма за овие избори. Останува во наредниот период многубројните зацртани проекти да се реализираат, рече Панов во своето обраќање.
Според општинската изборна комисија, Панов освои 13.084 гласови, а неговиот противкандидат од “Сојузот за иднината” Бетиане Китев 9.488 гласа.