Cо цел систематско решавање на управувањето со отпадот во Тетово, компанијата Пакомак денес ѝ даде како донација на општина Тетово еден камион за чистење и собирање отпад и 20 контејнери за селективно собирање пластика и лименки.
По тој повод, Филип Ивановски, извршен директор на Пакомак, денес во просториите на јавното претпријатие Комунална Хигиена во Тетово, свечено им ги предаде клучевите од возилото и контејнерите на Градоначалничката на Тетово Теута Арифи и директорот на ЈКП Џелал Цека, кои општина Тетово ќе може да ги користи за свои потреби.