Градоначалникот на општина Брвеница, Енвер Пајазити денеска од претседателот на општинската изборна комисија, Илир Абдурамани го прими сертификатот со што почна неговиот нов четиригодишен мандант.
– Програмата на ДУИ покажа и докажа дека има визија и дела, а не празни зборови и ветувања без никаков говор на омраза, рече Пајазити нагласувајќи дека одговорно ќе ги претставува сите граѓани.
Сертификати добија и новите 15 советници во Советот на општина Брвеница. На последните локални избори во општина Брвеница ВМРО-ДПМНЕ освои пет советнички миеста, ДУИ четири, ДПА три, СДСМ две и НДП едно советничко место.