Под засилено полициско обезбедување денеска во Струга се урива објектот „Блу Скај“ сопственост на струшкиот бос Леку, кој во изминатите неколку години покрај кејот на Црн Дрим изгради ресторан при што целосно беше узурпиран дел од кејот.
Новиот струшки градоначалник Зијадин Села, на сопствениците на угостителски објекти им даде рок до 30 јуни сами да ги отстранат монтажните објекти и објектите од цврста граба покрај кејот, а доколку не постапат така, кажа дека општината ќе ги отстрани со специјализирана фирма која беше избрана на тендер за таа намена.
Поголем дел од сопствениците на објекти тоа сами го направија. Стружани ја поздравија акцијата на општината и решеноста на градските власти да стават ред со урбаниот хаос во Струга.
Села не сакаше да коментира ништо и најави дека на прес конференција ќе зборува за акцијата.