Внимателно ќе го следиме судењето, а ги повикуваме и медиумите и дургите институции да следат што ќе се случува зошто ова нема да биде судење за пожар туку судење за човечноста, совеста и одговорноста, велат од Здружението на ридителите на жртвите во трагедијата во „Пулс“ откако Кривичен суд објави дека првито рочиште за случајот е на 9 ноември.
– Ние, родителите и семејствата на починатите деца, соопштуваме дека со големо внимание ќе го следиме судскиот процес, со единствена цел – да се открие вистината и да се обезбеди правдата за младите животи што беа изгубени во трагедијата што засекогаш го промени нашето општество.
Очекуваме фер, транспарентен и непристрасен процес, во кој секој што има одговорност ќе ја понесе. Нашата болка е вечна, но нашата борба е и за сите идни генерации – никогаш повеќе да не се повтори ваква трагедија.
Бараме јавноста, медиумите и институциите да го следат овој процес со должно внимание, бидејќи ова не е само судење за еден пожар – ова е судење за човечноста, совеста и одговорноста.
Воедно, Ве известуваме дека, бидејќи добивме датуми за рочишта, секојдневните блокади ќе бидат привремено прекинати, но со Маршевите продолжуваме секоја сабота – како симбол на нашата упорност и борба за вистината, се вели во соопштението од родителите и смејствата на жртвите.
