Во центарот на Скопје, кај хотел Јадран, отворено е новото шеталиште.
„На целиот сквер е поставена урбана опрема составена од 120 жардињери обложени со гранит, и засадени со декоративни зимзелени садници, 20 клупи и 20 корпи за отпадоци, сите модерно дизајнирани.
– Хортикултурното уредување остава силен впечаток кај минувачите на високо урбан уреден простор. Она што преставува новост во целиот опфат е тоа што сите светлечки столбови ќе бидат задскриени со зеленило кое ползи по самите столбови.
– Деновиве ќе биде поставено подно осветлување , непосредно пред столбовите кое светло ќе лизга по зеленилото и навечер ќе предизвикува преубав светлосен ефект“, изјави градоначалникот на општина Центар, Владимир Тодоровиќ.
Шеталиштето се простира на површина од 6.000 метри квадрати, а чини 50 милиони денари коишто биле издвоени од буџетот на општината.