Отворена е народна кујна во Демир Капија, во која оброк секојдневно ќе добиваат 13 социјално загрозени лица.
– Се работи за лица приматели на постојана парична помош и лица корисници на социјална помош кои живеат сами и се во поодминати години. Храната се подготвува во кујната на детската градинка „Борис Трајковски“ во Демир Капија, а на посебен пункт во градинката неа ја подигнуваат корисниците на услугите на народната кујна. Таа секојдневно се состои од топол оброк, а во саботините и неделините има таканаречен викенд оброк, појасни Роза Јаневска, директор на Центар за социјални работи во Неготино.