За се што ги интересира жителите на Центар, на тема образование, можат да се информираат и прашаат на Отворениот ден со граѓаните, кој го организира Центарот на заедницата на општина Центар.
На средбата ќе присуствуваат Биљана Чурилова, претседател на Комисијата за образование и останатите членови на комисијата; Јагода Јанковска, раководител на одделението за образование, спорт и млади.
Отворениот ден има за цел да овозможи запознавање на граѓаните со надлежностите на Комисијата за образование како и вклучување во работата на Комисијата преку предлози и идеи. Граѓаните ќе имаат можност да се запознаат со новитетите од областа на образованието кои се под надлежност на општина Центар.
Третиот, од серијата отворени денови кој ги организира Центарот на заедницата на општина Центар е продолжение во остварувањето на долгорочната цел за вклучување на граѓаните во донесувањето на одлуки на локално ниво, поголема транспарентност во работата на Советот на општината и отвореност кон граѓаните.
Средбата ќе се одржи во 12 часот, во конференциската сала во кабинетот на претседателот на Советот на општина Центар (барака 4).