По повод одбележување на Неделата на Црвен крст на Република Македонија, денеска во Кичево се одржа „Отворен ден“ на кој беа претставени активностите на Црвениот крст.
Меѓународното движење на Црвениот крст и Црвената полумесечина преку глобалната мрежа од речиси половина милион вработени и преку 100 милиони волонтери, членови и поддржувачи во 190 земји во светот дејствува како сила за позитивна промена за најранливите категории на население во ситуации како што се одговор на потребите во случај на катастрофи и вооружени конфликти, обезбедување поддршка во урбани центри и тешко достапни подрачја, како и застапување во нивна корист во политичките кругови и владите.
– Оваа година по повод 8 мај – Светскиот ден на Црвен крст и Црвена полумесечина, Црвениот крст – Кичево од 8 до 15 мај во Неделата на Црвен крст на РМ се вклучи во глобалната кампања на Меѓународната федерација на друштвата на Црвен крст и Црвена полумесечина која се одвива под мотото „Насекаде за секого“. – Ние денес имаме отворена изложба од изработени слики од наши волонтери и со тоа на некој начин ја заокружуваме Неделата на Црвениот крст, рече Лазеска претставник на Црвен крст – Кичево.