Знамињата кои вчера беа поставени на влезот од Струга, денеска попладне се отстранети. Според извори на А1он, градските власти во Струга дале наредба да бидат отстранети само овие знамиња.
Останатите македонски знамиња, што во изминатите два дена беа поставени во делови од Струга, од страна на невладината организација „Каприкорн“ се уште стојат закачени на делови од градот.
Директорот на Јавното претпријатие Комунално од Струга, Гарип Каба, одговори дека единствена надлежност за поставување на знамиња во Струга имаат само тие.
„Привaтни иницијативи за поставување на знамиња на здруженија, друштва или поединци, законски не се прописни и затоа ние преземаме активности да се отстранат тие нерегуларности. Општинските инспектори, во текот на вчерашниот ден излегоа на терен, на лице место видоа дека се вршат такви активности и затоа во тој момент тие поединци престанаа со поставувањето.
– Потоа јавното претпријатие продолижи со тоа што со Закон е утврдено“, изјави Гарип Каба.
Мики Трајковски