Екипа на Дирекцијата за заштита и спасување денеска нешто по 14 часот безбедно ја отстрани оставената бомба – кашикара модел М-75 што околу 13 часот и 10 минути случаен минувач ја забележал оставена покрај дрвена бандера на улицата „Кумановска“ во Тетово, информираше портпаролот на СВР Тетово Марјан Јосифовски.
Веднаш по добиената пријава, екипи на полицијата го обезбедиле местото до пристигнувањето на експертите. При увидот било забележано дека на бомбата има траги од земја. Засега не се знае кој, зошто и кога ја оставил бомбата.