Засега непознати сторители ја отстраниле бистата на македонскиот револуционер Гоце Делчев во струшкото село Подгорци, која долги години без какви и да било проблеми се наоѓаше над училиштето во селото, каде се одржува и манифестацијата Гоцеви денови.
Останати се само мермерните плочи каде се испишани дел од мислите на Гоце Делчев.
Според кажувањата на мештаните на селото кои не сакаа јавно да зборуваат, биле забележани неколку деца кои насилно ја тргнале бистата на Гоце Делчев и потоа избегале од лице место, а самата биста останала да лежи на земја.
Бистата на Гоце Делчев во моментот e во холот на училиштето кое се наоѓа во непосредна близина. Жителите на Подгорци со кои разговаравме се сомневаат дека бистата е отстранета намерно после случувањата со албанските паралелки во училиштето во селото.
Бронзената биста на Гоце Делчев на тоа место стои со години, и никој досега не ја чепнал. Тешка е повеќе од 100 килограми. Инаку
Подгорци е населено место во кое живеат околу .3000 жители, Mакедонци христијани и торбеши, односно Mакедонци со муслиманска вероисповест и мал број Aлбанци.
До сега во селото немало никакви проблеми од меѓуетнички карактер напротив важи за едно од ретките населените места во струшкиот ртегион каде соживотот е на највисоко можно ниво.
Мики Трајковски