Дефектот во топлотната мрежа поради кој без парно греење во текот на вчерашниот ден останаа дел од граѓаните во Центар и Карпош е отстранет и испораката на топлинска енергија се одвива непречено, информира денеска „Балкан енерџи груп“.
Компанијата истакнува дека дефектот е целосно отстранет и оти утринава сите потрошувачи приклучени на системот за централно греење, добиле навреме топлинска енергија.
– Екипите на Дистрибуција со топлина Балкан енеџи работеа во текот на целата ноќ, по што целосно беше саниран дефектот на мрежата. Во зајакнат состав, екипите на Дистрибуција со топлина Балкан енерџи остануваат на терен за да следат состојбите, велат од компанијата.
За сите дополнителни информации, потрошувачите можат да се обратат во Центарот за грижа на потрошувачи на тел: (02) 3076 200.