Отпуштените работници од фабриката „Дрекслермаер“ најавија дека ќе поднесат тужби до Основниот суд во Кавадарци.
Тврдат дека отказите не се законски, а отстранети се од работните места поради учество во штрајк. Работниците велат дека се казнети затоа што прашувале за своите дневници, а од фабриката се отстранети со обезбедување како да се работи за криминалци, јави Телма.
Револтирани се и затоа што на нивна страна не застанал Народниот правобранител. Штрајкуваа поради ниските плати, неплатени празнични дневници, но и за притисокот што врз нив го вршеле менаџерите.