Во Гевгелија денеска почна реализацијата на проектот кој ќе обезбеди целосно осветлување на сите патни клучки кои градот ги има со автопатот Е-75 и со регионалните патишта.
Од општината информираат дека проектот ќе обезбеди осветлување на целата автопатна делница од Гевгелија до граничниот премин „Богородица“, почнувајќи од исклучувањето и вклучувањето во градот, како и осветлување на излезниот дел од регионалниот пат кој води кон Богданци и Дојран.
Проектот финансиски е поддржан од Јавното претпријатие за магистрални и регионални патишта на Република Македонија.