Осумнаесет лица се здобиле со телесни повреди во вкупно 38 сообраќајни несреќи на подрачјето на Скопје евидентирани од сообраќајната полиција во изминатите четири дена.
Во четврток, на 28 мај, извршен е увид на вкупно шест сообраќајни незгоди. Од нив, три се со последица материјална штета и три се со последица телесна повреда во кои со полесни повреди се здобиле двајца возачи на патничко моторно возило и еден пешак.
Во петок, на 29 мај, извршен е увид исто така на вкупно шест сообраќајни незгоди. Од нив, две се со последица материјална штета и четири се со последица телесна повреда во кои со полесни повреди се здобиле возач на патничко возило, двајца сопатници, двајца пешаци, возач на мопед и возач на мотоцикл.
Во сабота, на 30 мај, извршен е увид на вкупно 12 сообраќајни незгоди. Од нив, шест се со последица материјална штета и четири се со последица телесна повреда во кои со полесни повреди се здобиле сопатник, двајца велосипедисти и возач на мопед.
Случени се и две незгоди со последица тешка телесна повреда во кои со тешки телесни повреди се здобиле пешак и возач на мопед.
Вчера е извршен увид на 11 сообраќајни незгоди. Од нив, шест се со последица материјална штета и четири се со последица телесна повреда во кои со полесни повреди се здобиле еден возач на патничко моторно возило, двајца сопатници, еден пешак и еден возач на мопед. Случена е и една незгода со последица тешка телесна повреда во која со тешки телесни повреди се здобил еден сопатник, а со телесни повреди се здобиле еден возач на патничко моторно возило и четворица сопатници.