Осум месеци затвор доби човекот кој преку социјалните мрежи му се закануваше на градоначалникот на Кавадарци Митко Јанчев. за пресудата информираше Основниот суд од Кавадарци.
– Основен суд Кавадарци известува дека денес, 22.09.2022 година по одржаната главна јавна и усна расправа по Кривичниот предмет К.бр.191/22 спрема обвинетиот З.Б. од Кавадарци за кривично дело Загрозување на сигурноста од член 144 став 4 од КЗ, судот донесе пресуда со која обвинетиот го огласи за виновен и му изрече казна затвор во траење од 8 месеци се вели во објавата од кавадаречкиот суд.
Кавадарчанецот во коментар на социјалните мрежи за Јанчев напиша „нема да умре од болест или старот“.