Осум дена притвор за заканувачот Емил Јакимовски

Од:

Судија на претходна постапка попладневно му одреди осумдневен притвор на Емил Јакимовски, поранешен вработен во Централниот регистар.

„Осумдневниот притвор му е одреден затоа што станува збор за скратена постапка, а исполнети се условите за опасност од бегство, бидејќи станува збор за дела против јавниот ред и моралот“, информираат од Кривичниот суд.

Јакимовски на ова има право на жалба до кривичниот совет на истиот суд.

Обвинителството утринава поведе постапка за загрозување на сигурноста при семејно насилство и по пат на информатички систем како и за непочитување судска наредба.

Обвинителството проценило, а Кривичниот суд прифатил дека постои основ Јакимовски да избега, па тој ќе биде пренесен во Истражниот затвор во Шуто Оризари.

Тој беше уапсен вчера и помина речиси 20 часа во полициска станица, по серијата вербални напади и деноноќно вознемирување на новинарките Мери Јордановска и Искра Коровешовска, а и по пријава за семејно насилство.

„Од страна на Единицата за насилен криминал при СВР Скопје, денеска се поднесени две кривични пријави против лицето Е.Ј.. Едната е за загрозување на сигурноста по член 144 став 2 од КЗ и неизвршување на судска одлука по член 377 став 5 од КЗ. Другата кривична пријава е исто така за сторени две кривични дела, загрозување на сигурноста по член 144 став 4 од КЗ“, информираа од МВР.

По овие пријави, и други лица излегоа во јавност тврдејќи дека биле навредувани од страна на истото лице. Меѓу нив беше и директорката на Централниот регистар Марија Бошковска – Јанковски, која рече дека многу пати поднесувала поплаки до полицијата и се жалела дека е вознемирувана.

Минатата недела, Јакимовски доби отказ од Централниот регистар поради непочитување на колективниот договор и спорно боледување. Во меѓувреме, фан страницата на регистарот, која пред 10 години била отворена од Јакимовски, беше хакирана и беа постирани недолични постови. Бошковска – Јанковски претпоставува дека тие постови биле објавувани од Јакимовски.

Емил Јакимовски беше и активист на ВМРО-ДПМНЕ, а кон почетокот на месецов наводно бил исклучен од партијата. Тој раководеше и со неколку веб – портали.

За Јакимовски веќе има една судска пресуда за семејно насилство од март минатата година. Тој е условно осуден – ќе треба да одлежи една година затвор, доколку во наредните три години го повтори делото.

Би можело да ве интересира

Полицијата уапси млад штипјанец кој си ја истепал девојката

Тепачка на скопски Кванташки пазар: Насилник со пиштол истепал познаник

Претепани две жени – тројца мажи им влегле со дрва и шипки во дворот, се заканувале со убиство и при апсењето

Пијан насилник нападнал полицаец во Битола

Девојка од Петровец била истепана во Аеродром

Неколку случаи на семејно насилство, сите жртви се жени

А1он