Куршуми и брканици, осуденици од Издризово бегале од полиција со ренџ ровер, завршија во ендек

Од:

Доцна синоќа во близина на населбата Нова Колонија полициски службеници од Одделот за специјални полициски операции, постапувајќи по план од СВР Скопје, ги лишија од слобода Н.А. (45) и А.Ј. (23) од Скопје. Лицата кои се осуденици, но биле на отпуст од КПУ Идризово, додека се движеле со патничко возило „ренџ ровер“ на ул. „Панче Неделковски“ во Скопје околу 20:20 часот, не застанале на даден знак од полициски службеници и се дале во бегство, по што веднаш се преземени мерки и активности за нивно запирање и лишување од слобода, информира Министерството за внатрешни работи.

Организирана е потера по возилото кое се упатило кон обиколницата, па потоа кон регионалниот пат Скопје- Велес, каде било стигнато од страна на полициските службеници во близина на населбата Нова Колонија. Кога полициските службеници, кои биле со службено возило „мазда“ се обиделе да го престигнат возилото „ренџ ровер“, возачот на возилото „ренџ ровер“ во два наврати удрил во полициското возило.

Полициски службеник испукал предупредувачки куршуми во воздух, но возилото „ренџ ровер“ не застанало туку продолжило да се движи и во близина на Нова Колонија излетало од патот. Во возилото се пронајдени пет мобилни телефони, пари и клучеви од повеќе возила, а Н.А. и А.Ј. се лишени од слобода и против нив, по документирање на случајот, ќе бидат поднесени соодветни поднесоци.

Би можело да ве интересира

Ја нападнал партнерката и и го зел тримесечното бебе

Катерина Ѓуровски

Прегазени две девојчиња од 12 и 13 години во Скопје

Поднесено обвинение за убиството на турски државјанин во Штип

Предраг Петровиќ

Во дворот во куќа во Ајватовци садел канабис, во спалната имал комора за сушење

Катерина Ѓуровски

Пратеникот на Левица Сашко Јанчев е приведен, учествувал во сообраќајка, повредени се двајца малолетници

Катерина Ѓуровски

Работник загина во делчевска фабрика, Кинез усмртен од кран во погон во Кавадарци

Катерина Ѓуровски