На повисоките места во североисточните и источните делови од земјата по коловозите има остатоци од кашест снег, а сообраќајот се одвива по претежно влажни коловози, соопштија од АМСМ.
Видливоста е намалена до 100 метри на планинските премини Плетвар и Ѓавато поради магла. Интензитетот на сообраќај на патните правци надвор од градските средини е умерен, а на граничните премини нема подолго задржувања.
Во сила е законската обврска за задолжително поседување зимска опрема во возилата, без оглед на временската состојба.