Осомничен испратил честитка до обвинител: Се надевам дека следното видување ќе ни биде за весели моменти, за славење

Од:

Осомничен во случај кој го води Јавното обвинителство, испратил писмо до надлежниот обвинител во кој води случај против него за да му ја честита Новата година, но и да му посочи дека со откривањето на делото кое го сторил му се променил животот. Според делот од писмото кое Обвинителството го испрати до медиумите, осомничениот посочува дека токму постапувањето на обвинителот го натерало во иднина да размислува за своите постапки.

„Иако ‘de jure’ сум видновен за случката и чувствувам одговорност за којата реакција во ковната вечер, сепак мислам дека сум жртва на сиромаштија и нечовечноста која што за жал зема се поголем замав кај нас луѓето и не тера да се служиме со секакви нечесни работи за да би дошле до парче леб. Како и да е, јас сум ви благодарен што ми влеавте доверба и надеж дека ништо не е изгубено“, стои во дел од писмото

Осомничениот од Јавното обвинителство му посочува на обвинителот дека се надева оти испратеното писмо ќе му биде поттик и во иднина да постпаува како и досега.

Од Обвинителството посочуваат дека постапувале против повеќе од 25.000 полнолетни сторители на кривични дела.

„Со оглед на тоа што согласно Законот за кривична постапка, основно право и должност на јавниот обвинител е да ги гони сторителите на кривични дела за кои гонењето се презема по службена должност, во јавноста често е присутна перцепцијата дека постои конфликт меѓу обвинителот и осомничениот, односно дека тие се на спротивставени страни. Но, во реалноста, јавниот обвинител е на страната за законот, неговата улога е да го штити општеството од криминалот и превентивно да делува во насока на спречување на идни кривични дела. Оваа улога на јавниот обвинител многу често ја разбираат и осомничените, кои понекогаш самите признаваат дека сториле кривично дело и се подготвени да ја сносат санкцијата што ќе им биде определена низ една законита постапка“, објаснуваат од Обвинителството.

Според нив, писмото кое го добиле е потврда за нивното правилно постапување.

Би можело да ве интересира

Обвинетиот во случајот со купопродажба на станови сè уште не е приведен, доставил медицинска документација до судот за „оправдано“ отсуство

А1он

Истрагите за модуларните болници не ги води Владата, туку задолжените институции на системот, порача Николовски

А1он

Кичеец преместен од отвореното, во полуотвореното одделение на затворот во Струга

А1он

Обвинителството ќе ги истражува јавните набавки за изградба на модуларните болници

А1он

Кичеец доби 30 дневен притвор

А1он

Обвинителството за случајот Рашковски: Извршен е претрес на Правен, не се пронајдени материјали поврзани со Академијата за судии

Катерина Павлова-Николовска