Приоритетите на финското претседателство, предизвиците и перспективите за проширувањето на Унијата со земјите од Западен Балкан, како и билатералната поддршката на Република Македонија од страна на Финска, особено за процесот на евроатланско интегрирање на земјава ќе бидат темите на кои ќе се осврне вицепремиерот задолжен за европски прашања Бујар Османи на средбите со високи претставиници на властите во Финска.
Османи денеска престојува во Финска, во рамки на мини-турнејата за посета на земјите – претседавачи со ЕУ. Финска е следниот претседавач со Унијата по Романија, земјата на 1 јуни ќе го преземе претседателството со ЕУ.
Османи е предвидено да се сретне со министерот за европски прашања, Само Терхо. Ќе има средба и со претставниците на Кабинетот на премиерот Јуха Сипилја, претставниците на Комитетот за европски прашања при финскиот Парламент, како и со претставниците на Министерството за надворешни работи.
Во рамки на мини-турнејата се трите земји кои во наредните 18 месеци се претседавачи со Советот на ЕУ, Османи ја посети Романија, а потоа следува посетата на Хрватска, која со Унијата ќе претседава по финското претседателство.