Вицепремиерот за европски прашања Бујар Османи на денешната презентација на Планот 18 изјави дека наредните часови ќе бидат клучни за исходот од процесот за решавање на спорот за името.
– Наредните часови се клучни за овој 25 годишен маратон во решавање на спорот за името. Можам да кажам дека од двете страни има активен ангажман за решавање на проблемот, рече Османи.
Според него разликите во моментов се интерпретација на напишаното, но чувстува дека ова е идеална прилика за да се затвори прашањето за името.
– Барам разбирање, треба да бидеме внимателни во овој период, бидејќи во последните чекори е многу лесно да се оптеретите и да излезете од правиот пат, рече Османи.
Виктор Јованов