Заменик претседателот на Владата задолжен за европски прашања, Бујар Османи, ќе престојува во Букурешт, Република Романија, каде ќе учествува на неформалниот министерски состанок на државите кандидати за членство во ЕУ, заедно со министри и државни секретари за европски прашања од земјите – членки на Европската Унија.
Тема на состанокот ќе бидат перспективите на процесот на проширување на Европската Унија, како значен дел во создавањето на европската иднина.
Состанокот се одржува во рамките на романското претседателство, како генерална подготовка пред големиот Самит посветен на иднината на Европа кој ќе се одржи во Сибиу, Романија на 9 мај.