Османи – Која: Ќе имаме слободни, фер и веродостојни претседателски избори

Од:

Заменик претседателот на Владата задолжен за европски прашања, Бујар Османи, оствари средба со шефот на Мисијата на ОБСЕ во Скопје, Амбасадорот Клеменс Која.

Вицепремиерот Османи најпрвин ја потенцираше важната улога на Мисијата на ОБСЕ во Република Македонија особено во поддршката на реформските процеси на Владата, при што оцени дека досегашната демонстрирана неутралност и придонесот што Мисијата го даде во надминувањето на бројните предизвици изминатиов период, особено во делот на изборните реформи, но и севкупно, во имплементацијата на принципот на владеење на правото, се од голема полза за Република Македонија.

„Изборните реформи се едни од клучните предизвици за наредниот период, вклучувајќи ја тука и имплементацијата на сите претходни препораки на ОБСЕ/ОДИХР, особено во пресрет на претстојните претседателски избори, имајќи предвид дека наш приоритет се слободни, фер и веродостојни претседателски избори“, истакна Османи, посочувајќи и на останатите реформи кои ѝ претстојат на земјата во пресрет на новиот извештај на Европската Комисија во април.

Во оваа насока тој изрази задоволство од изгласувањето на новиот закон за спречување на корупцијата и судир на интереси кој ќе придонесе во постигнувањето на поефикасна превенција и борба против корупцијата, a истовремено изрази задоволство што со истиот се зајакнува и ефикасноста и независноста на Државната комисија за спречување на корупцијата, чиј нов состав ќе треба да го мониторира и изборниот процес во делот на финансирањето на политичките партии за време на претстојните претседателски избори.

За време на разговорот соговорниците се осврнаа и на поддршката и помошта која Мисијата на ОБСЕ во Скопје ја обезбедува за Република Македонија во насока на исполнување на реформите и во останатите области како што се судството, медиумите, граѓанскиот сектори итн, а стана збор и за актуелните предизвици: за имплементација на Планот 18, подготовката на придонесот на земјава кон извештајот на Европската Комисиија, како и за сите останати активности поврзани со конечното остварување на стратешките цели на Република Макеоднија членството во ЕУ и НАТО.

Би можело да ве интересира

(ВИДЕО) Заев: Размислував за оставка, но не се откажувам од борбата

Ана Ололовска

(ВИДЕО) Заев: Одиме на брзи предвремени избори, граѓаните да одлучат по кој пат сакаат да одиме

Ана Ололовска

ВИДЕО: Митото ни откри кои се замениците министри во Владата

Османи: За нас сонцето и натаму ќе изгрева на Запад

Ана Ололовска

Анѓушев: „Мал шенген“ не е алтернатива за нашето членство во ЕУ

Ана Ололовска

Владата одлучи за 10 отсто да ги зголеми платите на наставниците од април ако се согласи СОНК

Ана Ололовска