Османи ги заборавил другите дијалекти на македонскиот јазик поради ограничувањата со форматот во едностраната изјава

Од:

Унилатералната изјава претставена на првата Меѓувладина конференција за пристапувањето на Северна Македонија во Европската Унија имала ограничувања во форматот и затоа министерот Бујар Османи навел дека дијалектите на македонскиот јазик ги има само на денешната територија на државата.

dobivaj vesti na viber

„Изјавата во себе содржи релевантни делови од Уставот на Република Северна Македонија, Резолуцијата на Собранието на Република Северна Македонија од 29 јули 2021 година, и заклучоците од седницата на Собранието на Република Северна Македонија од 16 јули 2022 година. Во согласност со форматот на унилатералната изјава, даден е кус осврт поврзан со кодификацијата на литературниот македонски јазик и неговата заснованост на специфичниот развој на дијалектите кои се земени како основа за кодификацијата и кои биле распространети на територијата на денешна Република Северна Македонија, а тоа се централните говори на западното македонско наречје, односно говорите на оската Битола – Прилеп – Велес – Кичево.

Поради ограничувањата поврзани со форматот и целта на унилатералната изјава, наведени се само неколку информации и податоци поврзани со јазичниот, просторен и временски континуитет на македонскиот јазик кој низ вековите растел, се развивал и се издигнал во наддијалектен, национален стандарден јазик на македонскиот народ, како и неговото значајно место во славистиката и лингвистичката наука“, соопштија од МНР.

МНР потсети дека Преговарачката рамка за пристапувањето на Северна Македонија во ЕУ, која беше усвоена од Советот на ЕУ на 18 јули 2022, е првиот документ на Советот на ЕУ во кој е содржана чиста формулација за македонскиот јазик.

„Како што беше најавено од Европската комисија, наскоро ќе биде склучен Договорот за статусот на Фронтекс со јазична одредба во која покрај 24-те службени јазици на ЕУ ќе биде поименично наведен и македонскиот јазик. Договорот за статусот на Фронтекс ќе биде првиот билатерален договор меѓу Северна Македонија и Европската Унија кој ќе содржи стандардна јазична одредба со вклучен македонски јазик“, се вели во соопштението.

Би можело да ве интересира

Османи смета дека уставните измени треба што побрзо да стигнат во Собранието и темата да биде затворена

Катерина Павлова-Николовска

Македонија стана членка на Унијата за Медитеранот

Османи за ситуацијата во Полска: Во консултации сме со сојузниците од НАТО

Османи дознал кој го финансира клубот во Благоевград, но не кажа кој ги финансира клубовите во Битола и Охрид

Орце Костов

Османи – Милков: Не треба да дозволиме провокациите на поединци и групи да ги загрозат добрососедските односи

Османи: Лага е веста дека ќе бидам сменет од функцијата министер, последниот збор го има Али Ахмети

Орце Костов