Османи- Чавушоглу: Северна Македонија и Турција остануваат стратешки партнери

Од:

Вицепремиерот задолжен за европски прашања Бујар Османи денеска оствари средба со Министерот за надворешни работи на Република Турција Мевљут Чавушоглу, во рамки на неговата посета на Северна Македонија, на која било разговарано за долгогодишното стратешкото партнерство меѓу двете земји и членството во НАТО.

Османи, како што информираат од неговиот кабинет, посочил дека Турција ја докажала долгогодишната поддршка на нашата земја на нејзиниот пат кон европската и евроатлантската интеграција.

– Традиционално блиските пријателски односи меѓу двете земји се вистински пример за градење на стратешко партнерство, и во таа смисла, со задоволство можам да кажам дека со ратификацијата на Протоколот за членство на Северна Македонија во НАТО од страна на Големото народно собрание, Турција ја докажа долгогодишната поддршка на нашата земја на нејзиниот пат кон европската и евроатлантската интеграција, изјави Османи.

На средбата, се вели во соопштението, било разговарано и за билатералната соработка и можностите за нејзино продлабочување во иднина, во рамки на долгогодишното стратешко партнерство, како и за теми поврзани со европската интеграција и перспективите на земјава во претстојниот период, во очекување на почетокот на преговорите во октомври.

Османи и Чавушоглу размениле мислења и за состојбите во регионот, посочувајќи дека успехот во надминувањето на отворените прашања на Северна Македонија со соседите е светол пример на Балканот кој треба да биде мотив и поттик и за останатите балкански земји

Би можело да ве интересира

Влада: Одлука за кадровското решение во ЦУК на наредната седница

Студентите и вработените на ФИНКИ на протест пред Владата

Зошто се одложува изборот на нов универзален снабдувач на струја за домаќинствата?

А1он

Тошковски за поништувањето на неговите наредби: Во влада се тотално неинформирани, како не им е срам

Орце Костов

Џафери за новите автомобили: Лизингот е поевтино решение, ако останат во Владата одржувањето ќе биде скапо

Орце Костов

Битиќи за владината набавка на 45 нови возила: Подобро е на лизинг, трошоците се помали

Орце Костов