По санацијата на мостот во близина на селото Сретково на магистралниот пат Гостивар – Кичево, преку превојот Стража, од синоќа (петок) дозволено е движење на тешки товарни возила и автобуси, информираат од СВР Тетово.
Поправките на оштетувањата и дупките кои се појавија на мостот се завршени и според информациите на сообраќајната полиција забараната за движење е укината, па така сообраќајот кој доскоро беше пренасочуван кон Охрид, преку Дебар, од синоќа повторно е нормализиран.
Поради загрозување на безбедноста на сообраќајот од оштетувања на коловозот на мостот кај селото Сретково, десетина денови, возилата потешки од седум тони беа пренасочувани по други, алтернативни правци.