Советот на Општина Велес денеска именуваше Комисија за стипендирање талентирани студенти. На денешната прва седница за претседател е избран Бошко Караџов.
На оваа седница се донесе и Програмата за работа на Комисијата за оваа година и се распиша Конкурсот за учебната 2013/14 година.
Оваа година од буџетот на општината се доделуваат вкупно 16 стипендии, од кои 8 за ученици и 8 за студенти, а конкурсот ќе биде распишан од 10 до 30 октомври.
Според Караџов, доколку се обезбедат спонзори, бројот на стипендии може и да се
зголеми. Услов за добивање стипендија за средношколците е завршена втора година од школувањето, континуиран одличен успех и награди добиени на меѓународни и државни натпревари. Висина на стипендијата 1.500 денари месечно, девет месеци во годината. За студентите услов е завршена најмалку една година од студирањето и просек најмалку 9.00. Стипендијата изнесува 2.000 денари, девет месеци во годината. Право на учество имаат исклучиво кандидати, жители на Општина Велес.