Поради високите температури Општина Струга апелира граѓаните да внимаваат кога работат со машини или електроника, која може да предизвика пожар.
Од општината порачуваат да не се користат импровизирани и непрофесионално опремени кабли за електрични инсталации, да не се оставаат вклучени електричните апарати во кујна, бидејќи може да предизвикате пожари и со тоа да се доведе во прашање безбедноста на нивниот имот, имотот на соседите, особено нивната безбедност и безбедноста на нивните блиски.
За намалување на ризикот од пожар, Територијалната против пожарна единица – Струга апелира до сите граѓани да не палат оган на отворени места, да не фрлаат стакло, стаклени шишиња и друг отпадок од стакло, да не палат отпад и други запалливи материјали и да не фрлаат отпушоци од цигари.
Тие потсетуваат и на обврската на граѓаните доколку забалежат пожар во отворени средини да пријават до надлежните институции во најкраток можен рок на телефонскиот број 193.