Општина Куманово распиша тенедер за дезинсекција и дератизација, за што од општинскиот буџет ќе бидат одвоени десет илјади евра.
– Моментално се примаат понудите. Очекуваме за десетина дена да заврши тендерот и да се одбере фирма по што ќе се отпочне со третаманите, вели секретарот на општина Куманово, Валентина Алексовска.
Дезинсекција на крлежи ќе се спроведе на зелените површини на градскиот кеј, парковите, на плоштадот, покрај болницата. Површините ќе бидат видно одбележани. Дератизацијата ќе го опфати потегот околу кејот на реката Кумановка, на канализациони шахти и на отвори за атмосферска вода.
Општина Куманово минатата година спроведе две акции во мај и во септември, кога беа опфатени 1.600 шахти, а со дезинсекција 60.000 метри квадратни површина.