Општина Гевгелија со околу три милиона денари ќе учествува во реализација на проектот за изградба и прифаќање на бездомни животни во рамки на ЈИПР, чија вкупна вредност изнесува околу 20 милиони денари.
Околу 12 милиони денари од овие средства ги обезбедува Бирото за регионален развој, а останатите ќе се обезбедат преку кофинансирање.
Општините од ЈИПР треба да обезбедат околу осум милиони денари, од кои руралните општини треба да учествуваат со по 150.000 денари, урбаните општини со по 500.000 денари , а општините Гевгелија и Струмица, двата града во кои ќе бидат изградени стационарите за кучињата скитници, ќе учествуваат со по 2,7 милиони денари во реализацијата на проектот.