Градинката „Детска радост“ од Гевгелија денеска за своите потреби доби патничко возило донирано од општина Гевгелија кое ќе се користи за обиколка на детските градинки во Гевгелија, Миравци, Негорци и Богородиц,а како и за транспорт на храна.
Возилото го предаде градоначалникот на Гевгелија Сашо Поцков, кој при посетата на градинката ја истакна потребата од натамошни активности за подобрување на условите за престој на дечињата.
– Општина Гевгелија прави напори за обезбедување на средства за целосна замена на столаријата во детската градинка „Цветови“ во Гевгелија, а веќе издвојува дополнителни финансиски средства за нормално функционирање и на оваа јавна детска установа поради нејзиниот зголемен обем на работа и потребата од дополнително ангажирање на негувателки и воспитувачки, изјави Поцков.
Возилото од типот „киа“ по барање на општина Гевгелија е отстапено од Агенцијата за управување со одземен имот на РМ.
