Ноќеска направен е упад во читалната на општина Центар – “Ацо Шопов“.
Влезната врата на објектот е насилно обиена и украден е компјутер.
Надлежните од општина Центар го пријавија случајот во МВР. Од МВР 2 и пол часа не доаѓаше никој на увид, со објаснување дека “биле зафатени со протест пред судот“.
По 2 и пол часа, дојдоа припадници на МВР, но не сакаа да направат записник за случајот, со објаснение дека “општината сама треба да си го направи тоа“.
Во 15:30 минути од ПС “Беко“, општината беше известена дека записникот направен од општина Центар не го прифаќа, наводно поради процедурален пропуст (немало наведено лице за контакт!).
Од МВР следело и упатство корегираниот записник да биде донесен утре, иако утре е сабота, неработен ден.
Општина Центар реагира зошто од МВР 2 и пол часа никој не сакаше да излезе на увид и зошто одбиваат да направат записник и со тоа да го евидентираат случајот на упад во читалната “Ацо Шопов“.