Општина Аеродром апелира до граѓаните да не ги паркираат своите возила на зелените површини, со што се уништува блоковското зеленило, а многу често се оштетуваат и дрвјата што неодамна беа насадени.
До општина Аеродром стигнуваат поплаки проследени со фотографии, на кои се гледа како несовесни граѓани ги паркираат своите возила на тревници и на површини со хортикултурно уредување, а не ретко и со искршени дрвца.
Од општината информираат дека нивните комунални служби во соработка со Град Скопје секојдневно работат на одржување и разубавување на зелените површини и парковите во Аеродром.