Претседателот на Собранието на Република Македонија Трајко Вељаноски и пратеничките групи од парламентарното мнозинство уште еднаш ја повикаа опозицијата да го прекине бојкотот и да се врати во законодавниот дом.
– Пратенците од опозицијата да се вратат во Собранието, да го продолжат прекинатиот политички дијалог и да продолжи функционирањето на Собранието во полн состав во интерес на граѓаните на Република Македонија и евроатлантските интегративни процеси, се наведува во соопштението издадено по денешната координација на координаторите на пратеничките групи кај претседателот на Парламентот Вељаноски.