Вчера вечер во 20.30 часот во СВР Скопје е пријавено дека на улицата „2“ во село Сарај, скопско, настанал пожар во патничко возило „тојота“, сопственост на 58-годишниот Љ.Ѓ. од село Сарај и патничко возило „фиат пунто“, сопственост на Ј.Ѓ. од село Сарај, двете со скопски регистарски ознаки, извести МВР.
Пожарот е изгаснат од противпожарната единица Скопје, а повредени лица нема, соопшти МВР.
Увид извршила екипа од СВР Скопје, известен е јавен обвинител и се преземаат мерки за расчистување на случајот.