Штета во вредност од 1.500 евра била причинета врз кладилницата Моцарт во Тетово на булеварот „Илирија“ откако засега непознат сторител фрлил молотов коктел врз објектот, информираа денеска вработени во кладилницата.
Според нивните информации, настанот се случил утринава околу 4:20 часот при што непознатиот го скршил стаклото на вратата и внатре ја фрлил експлозивната направа, која ја опожарила и исчадила внатрешноста на кладилницата уништувајќи дел од инвентарот.
Пожарот бил забележан од полициска патрола по што на местото пристигнале и од Агенцијата за обезбедување, како и од противпожарната единица од Тетово кои го изгаснале пожарот. Вработените велат дека целиот настан е снимен со безбедносните камери.