Лицата кои дале согласност за донирање на вратениот ДДВ ќе можат да го променат одговорот најдоцна до 30 јуни и да ги вратат парите на нивните трансакциски сметки.
Одлуката следи откако претходно од Управата за јавни приходи информираа дека до нив пристигнале меилови од граѓани кои ненамерно притиснале опција „донирај“ на средствата од „Мој ДДВ“, па сега бараат парите да им бидат исплатени на сметка.
Од Владата велат дека уредбата е дополнета со одредба и заради поттикнување на прометот на домашни производи и услуги со што враќањето на ДДВ за промет на домашни производи и услуги се зголемува од 15 на 20 отсто, а за останатиот промет враќањето на данокот се утврдува на 10 проценти од пресметаниот ДДВ искажан во фискалната сметка.