Партијата „Обединети за Македонија“ е сериозно загрижена од последното интервју на премиерот Никола Груевски за МИА, посебно со неговите ставови кон НАТО. Во соопштението од партијата велат:
„Со ова тој откри три работи: го призна неуспехот на својата политика на антиквизација, со која Македонија ја оддалечи од тие што и беа сојузници во Алијансата и сите ги направи уште поголеми поддржувачи на Грција во неразумниот спор со името. Со последниот настап ја зацементира за долг период позицијата на Грција, која не успеа да ја надмудри, туку и во тешка економска криза и ја даде на послужавник ситуацијата која отсекогаш ја посакуваше“.
Во соопштението се вели дека Груевски по вчерашниот настан покажа дека не умее и дека нема идеја за Македонија. Најавата за инвестиции велат е „глупост“ зашто и министерот за економија признал дека нема никакви вложувања додека не влеземе во НАТО.
„Обвинувањето кон НАТО и глумењето на некаков историски став за божемна заштита на македонските интереси е само знак дека Груевски се подготвува за скорешни избори се вели во соопштенито на Обединети за Македонија“.