Ја завршив мојата граѓанска и лична должност и одговорност, порача министерот за внатрешни работи, Оливер Спасовски, откако утрово во Куманово ја прими вакцината „Синофарм“ против Ковид-19.
„Без разлика која вакцина е во прашање, подобро е да се вакцинирате за да се спречат тешки форми на ковид-19. Сите вакцини се проверени и безбедни и добро е што во последно време имаме голем број граѓани кои сакаат да се вакцинираат и уште еднаш ќе апелирам да се пријават на vakcinacija.mk. Вакцинацијата не е крај на борбата против ковид, посебно во периодот после вакцинација треба да внимаваме, да ги почитуваме мерките кои се пропишани“ – напиша спасовски во објавата на Фејсбук.