Речиси 40 закони од различни сфери, здравство, енергетика, земјоделство, туризам, екологија,…, денеска го поминаа првото читање во Собранието со што беше исцрпен дневниот ред на 38. седница.
Пратениците продолжија со 27. седница на чиј дневен ред се девет точки од кои четири предлог-закони во прво читање, три барања за автентични толкувања и две одлуки за давање согласност за измени на Статутот на Комисијата за хартии од вредност и на Статутот на Универзитетот „Мајка Тереза.
По оваа, треба да се одржат и продолженија на уште две седници, осмата и 40-тата. На осмата седница се останати предлог-измените на Законот за јавното обвинителство и Извештајот за работењето на Агенцијата за супервизија на капитално финансирано пензиско осигурување во 2016 година, додека на 40 седница има преку 60 закони од кои два се со европско знаменце.
Во Парламентот се присутни само пратениците на владејачкото мнозинство. Столчињата на ВМРО-ДПМНЕ останаа празни.