ОЈО бара притвор за велешанецот кој усмрти познаник

Од:

Основното јавно обвинителство Велес донесе Наредба за спроведување на истражна постапка против лице на возраст од 43 години за кое постои основано сомневање дека сторило кривично дело тешка телесна повреда (квалифицирана со смрт).

dobivaj vesti na viber

Осомничениот на 8 јули, во вечерните часови, во тоалетот на казино во Велес, тешко телесно повредил едно лице на возраст од 48 години. Како последица од нанесените повреди оштетениот починал.

Осомничениот го забележал оштетениот како игра на еден од апаратите во казиното, дошол до него и започнал вербална расправија. Потоа го однел во тоалетот каде физички го нападнал и со тупаници повеќе пати го удирал во пределот на грбот и слабините.

Со ударите му нанел тешки телесни повреди како последица на кои дошло до раскин на слезината на оштетениот и загуба на големо количество крв, па на 13 јули тој починал.

Бидејќи постои основан страв дека осомничениот доколку се брани од слобода ќе се даде во бегство, ќе влијае врз сведоците и со тоа ќе ја попречува истражната постапка и дека ќе го повтори истиот вид кривично дело, до судија на претходна постапка на Основен суд Велес е доставен предлог за определување притвор.​​

Би можело да ве интересира

Маж од Скопје обвинет за напад на телевизиската екипа на ТВ24

Горан Наумовски

Фатиме Фетаи ќе се бори со двајца мажи за шефовската фотелја во скопското Вишо обвинителство

Кристијан Ландов

ОЈО започна истрага за грабнатото бебе во Скопје

Горан Наумовски

ОЈО: Утврдени се неправилности во водење на предметот „Финансова полиција“

Горан Наумовски

ОЈО бара притвор за скопјанецот кој оштети 18 автомобили во катна гаража

Горан Наумовски

Поведени истраги против две лица за пронајдена дрога во подрумски простории во Скопје

Ландов