Вчера во селото Шупли Камен, кумановоски, непознато лице со закана со пиштол ги нападнало С.Т. (56) и неговата сопруга В.П. (58) во дворот од нивната викендица.
Напаѓачот го внел С.Т. во викендицата, по што му ги врзал рацете и нозете со самолеплива лента и одзел паричник кој бил на масата, а во кој имало 300 денари и лични документи. Од викендицата тој одзел и два мобилни телефони, а на крајот го одзел и нивното возило „Опел астра“, каде што имало паричник со околу 500 денари и лични документи.
На местото увид извршила екипа од СВР-Куманово и се преземаат мерки за пронаоѓање на лицето и целосно расчистување на случајот.