Непознати сторители изминатите денови ограбиле четири цркви во подшарпланинските села во Гостиварско. Украдени се околу 1.300 денари, прилози на верниците и причинета е материјална штета од околу 9.000 денари.
Според СВР Тетово, во селата Лешница, Долно Јеловце и Печково, во периодот од 2 до 4 април со насилно отварање на влезните врати било провалувано во објектите и од кутии за прилози биле одземени пари.
На мета на крадците биле црквите „Св. Никола” во Печково, „Св. Ѓорѓија” и манастирската црква во Долно Јеловце и „Св. Никола” во Лешница. Сите четири кражби се извршени на речиси идентичен начин и најверојатно од исти лица.
Полицијата изврши увид и презема мерки за расветлување на кражбите во верските објекти во Гостиварско.
