Непознат сторител украл разновиден златен накит во вредност од 300.000 денари од куќа во скопското село Волково, сопственост на Ж.Ј. (63).
Кражбата се случила во периодот од 11 часот на 3 мај до 07:45 часот на 4 мај.
Сторителот тешката кражба ја извршил со насилно отварање на влезната врата, по што влегол внатре извршил пребарување по собите и го одзел златниот накит.
Увид извршила екипа од СВР-Скопје и се преземаат мерки за пронаоѓање на сторителот.