Три непознати лица со закана со пиштол го украле дневниот промет, цигари и компјутер од бензиска пумпа во село Дељадровце, информираат од МВР.
Утрово во 04.40 часот во ПО Петровец, дежурниот од СВР Куманово телефонски пријавил дека во с.Дељадровце, на бензинската пумпа три непознати лица извршиле разбојништво. Сторителите со закана со пиштол од вработениот ја одзеле чантата со дневен промет, поголема количина на цигари и компјутер.
Полицијата презема мерки за пронаоѓање на сторителите и за целосно расчистување на случајот.