Вчера околу 10 часот во село Мамудовци, кичевско, две непознати макирани лица извршиле разбојништво во куќа во сопственост на Р.А. (75).
Крадците одзеле 63 златни пари (даблони), 360 швајцарски франци и друг разновиден златен накин, со вкупна вредност од околу 30 илјади евра.
Тие влегле во куќата и со спреј-солзавец ја испрскале Р.А. по очите, а потоа физички ја нападнале. Откако ги пронашле и одзеле парите и останатите предмети го напуштиле местото на настанот.
На Р.А. ѝ била укажана лекарска помош во медицинскиот центар во Кичево. Увид на местото извршиле јавен обвинител и увидна екипа од полицијата.