Таксист од Кавадарци одвај извлекол жива глава, откако патникот когм го возел, му извадил нож, заканувајќи се дека ќе го убие ако не му ги даде парите.
Како што информираат од МВР, инцидентот се случил половина час после полноќ денеска. Разбојникот побарал таксистот да го однесе до селото Росоман. Кога стигнале во близина на мостот, патникот – разбојник, кој седел на задното седиште извадил нож, го фатил таксистот за глава и ножот му го ставил на вратот. Откако му украл 2.000 денари и мобилен телефон, разбојникот побегнал.