Судењето за случајот со малиот Алмир Алиу е одложено за 6 февруари. Рочиштето се одложи по барање на адвокатот Асмир Алиспагиќ, кој го застапува обвинетиот Бобан Илиќ, поради „субјективни причини“.
Вчера револтирани граѓани излегоа на протест на Камениот мост во Скопје за да ги осудат обидите да се направи преквалификација на делото од убиство во сообраќајна несреќа со смртни последици во врска со случајот со малиот Алмир Алиу од Куманово.
Тие пред зградата на Јавното обвинителство положија цвеќе за Алмир, кој беше прегазен на 25 јуни 2016 година по расправија за ред во Здравствениот дом во Куманово, која прераснала во физичка пресметка помеѓу таткото на детето и обвинетиот Бобан Илиќ. Во обид да избега од напаѓачите, Бобан со својот автомобил удрил во ѕид од куќа и го прегазил детето.